Udalbatza gaur bilduko da ohiko Osokoaren bilkurara, 19:00etatik aurrera

Udalbatza gaur bilduko da ohiko Osokoaren bilkurara, 19:00etatik aurrera. Bilkurako gai-zerrendak hamaika puntu ditu, eta, ohi bezala, bertaratutako zinegotziei gonbidapena egingo zaie bilkuran landuko diren gaiekin edozein interes edo bateraezintasun garrantzitsu jakinaraz dezaten. Jarraian, urriaren 31ko bileraren akta bozketara jarriko da.

Hirugarrenean hilabetean zehar Alkateak luzaturiko dekretuen zerrendaren berri emango da. Laugarren puntuan, EH Bilduren mozio bat aztertuko da, herritarrek parte hartzeko ordenantza bat idazteko lan-mahai bat sortzea proposatzen duena.

Bosgarren puntutik zortzigarrenera bitartean, ekonomia alorreko hainbat gai aztertuko dira. Lehenena, 3682/2023 Dekretuaren berri emango da. Dekretu horrek 2023ko aurrekontuaren zazpigarren aldaketa erabakitzen du, kredituak transferitzeko bigarren espedientearen bidez. Jarraian, Aurrekontuaren 7. aldaketa horri buruzko egonkortasun-txostenak jorratuko da. Zazpigarren puntuak indarrean dagoen aurrekontuaren zortzigarren aldaketari helduko dio, kasu honetan Kredituen Transferentziari buruzko 3. espedienteari. Ondoren, aurrekontuaren 8. aldaketari buruzko egonkortasun-txostena aztertuko.

Bederatzigarrenean, Eskolabarri sozietate kooperatiboak Santa Ana eraikinagatik udalari ordaintzen dion kanona eguneratzeko formularen berrikuspena aztertuko da. Hamargarrena Jaurlaritzaren Kontseiluaren erabakiaren berri ematea izango da. Akordio horren bidez, Bilbao-Donostia trenbidearen antzinako trazadurari dagozkion lursailen erabilera lagatzea baimentzen da, Ermuan bide berdea prestatzeko.

Galde-eskaerak amaiera emango diote saioari, baldin badaude.