Hilabete dugu ibilgailuen titularrok 2019ko TMI gaineko Zerga borondatez ordaintzeko

Zerga borondatez ordaintzeko epea apirilaren 1etik maiatzaren 6ra izango da, biak barne

TMIZ zuzeneko udal zerga da, kudeatzea dagokiguna eta Ermuan 922.794 euro biltzea aurreikusten duena

Udal diru-bilketa zerbitzuak datorren astelehenean –apirilaren 1ean- hasiko du aurtengo Trakzio Mekanikodun Ibilgailuen gaineko Zergari (TMIZ delakoari) dagozkion ordainagiriak borondatez ordaintzeko hilabeteko epea. Borondatezko epea apirilaren 1ean hasiko eta maiatzaren 6an bukatuko da, zergadunentzako egutegian jasotzen denez. TMIZ zuzeneko zerga da, derrigorrezkoa, titularrak udalak izanik guri osorik kudeatzea dagokiguna. Ermuaren kasuan urteko zergarik garrantzitsuena da, 8100 pertsonatik gora dagokigulako –herrian dauden motordun ibilgailuen titularroi- eta guztira 922.794 euroko zenbatekoa biltzea aurreikusten duelako.

Zerga honek Trakzio Mekanikoko Ibilgailuen gaineko Zerga zuzeneko zerga da. Bide publikoetatik zirkulatzeko gai diren trakzio mekanikoko ibilgailuen titulartasuna kargatzen du, ibilgailuen mota eta kategoria edozein direlarik. Bizkaiko 2005/9 eta 7/1989 Foru Arauetan xedatutakoarekin bat etorriz, Ermuan Zergaren ordainarazpena araupetu da, udalerrian dugun 3. Ordenantza Fiskalean xedatutakoaren arabera.

Ordainagiria helbideratua izateak hobaria du, zenbatekoari %4 deskontatzen baitzaio

Motordun ibilgailuen titular garen pertsona gehienak ordainagiria helbideratua dugu banku edo aurrezki kutxan zuzenean ordain dezaten, horrela eginez gero zenbatekoaren %4 deskontatzen zaigulako. Helbideraturik ez duten gainerako titularrek hori ordaintzeko dituzten aukerak hainbat dira: Kutxabank, La Caixa, BBVA, Rural Kutxa eta Euskadiko Kutxa entitateen bulegoetara joatea ordainketak egiteko dituzten orduetan, etxean jasoko duten erreziboak eramanda. Entitate horien orotariko kutxazainak ere erabil ditzakete edota horien webguneak, eguneko 24 ordutan erabili ditzaketenak. Beste modu eroso eta azkarra administrazioaren ordainketa-pasabide erabiltzea da, webgune korporatibo honetan lotura eginda dioguna. Borondatezko hilabetea amaitu eta gero, ordainagiriaren zenbatekoa bide exekutibotik eskatuko da, %20ko gainkarguaz.

Zirkulaziorako egokitzat jotzen dira dagokion errolda publikoetan matrikulaturik dauden ibilgailuak, horiei baja eman bitartean. Bide publikotik zirkulatu ditzaketen trakzio mekanikoko ibilgailuen titulartasuna kargatzen du zerga-egitateak, mota eta kategoria edozein izanik ere. Ermuan zerga hau ordaintzetik salbuetsita daude ibilgailuren titularrek minusbaliatuak direnean edota historikotzat hartzen direnenak –matrikula historiko propioa eduki behar dute, 25 urtetik gorakoak izateaz gain-.

Zerga-kuotak ondoren zehazturiko tarifa taulan jasota daude. Taulatan zehazten da ibilgailu bakoitzari ordaintzea dagokion kopurua ondoren zehazten ditugun faktoreetako baten arabera: potentzia fiskala, plaza kopurua, zama eramateko gaitasuna edo zilindrada.