Ermua eta Mallabiko Lanbide-hastapenetarako ikastegiak txertatze emaitzak baloratu eta ontzat eman ditu

Iazko ikasturtean Ermua eta Mallabiko Lanbide-hastapenetarako ikastegiak iazko ikasturtean zentroa utzi zuten ikasleen jarraipena egin eta ikasten jarraitzeko nahiz lan munduratzeko emaitzak baloratu ditu. Klaustroak abenduan egin ohi du ikasle ohien jarraipena zentroan ikasten egindako ibilbideari jarraiki zer egin eta gehiago ikasten nahiz lan egiten eta kasuan zertan dauden ezagutzeko asmoz. Iazko 2013-2014 ikasturteko ikasleen emaitzak ontzat eman dituzte. Gauzarik azpimarragarrienak ondorengoak dira:<7p>

2014ko ekainean ikastegiko ikasketak amaitu zuten ikasleetatik %20 lanean aritu izan diren lehenengo sei hilabeteetan edo oraindik ere lanean daude. Lan merkaturatzeko erraztasun gehien izan duten espezialitateak ibilgailuen konponketa eta mekanizazio alorrekoak izan dira, %25ek lana lortuz.

Hezkuntzara edo ikastera bueltatu direnen artean %76 formazioarekin aurrera jarraitu dute, gradu erdiko zikloetara pasaz, lanbide heziketara jauzi eginez edo Helduentzako Etengabeko Heziketan. Datuok zentroak oso positibotzat jo ditu, izan ere beren xede nagusia ikasleak berreskuratzea eta ikasten jarraitzeko ilusionatzea baita. Horrela eginez gero, gero eta lehiakortasun eta espezializazio maila altuago duen lan merkatura sartzeko errazago izango dutelako.

Ikasten jarraitu dutene ikasleen artean gehiengoa ile-apaindegiko alorrekoak dira, hain zuzen ere %75. Oso hurbiletik jarraitzen diete mekanizaziokoak %70 izanik, eta hirugarren ibilgailuak konpontzen ikastera bideratzen dituztenak beren etorkizuna, %53 direlarik.