Papera eta kartoia

Itzuli

Bilketa

Lurperatutako paper-edukiontzi baten irudia

Bilketarako jarritako edukiontzi urdinetan utzitako papera eta kartoia, edukiontzi barruko hondakinen bolumenaren arabera biltzen dira.

Zerbitzu hau emateko 2 ardatzeko kamioia erabiltzen da, kutxa goiko aldetik irekita eta garabia daukana; 2 langile behar dira bilketa honetarako. Edukiontziak beira eta ontzienen antzera husten dira. Goiko heldulekutik lotzen dira, kamioi gainean igo eta beheko tapa ireki ondoren bere edukia hustu egiten da.

Gainera, astelehenetik larunbatera bitartean arratsaldeko zerbitzua dago, hiriguneko dendetako kartoia biltzeko; “atez ateko” zerbitzuaren antzekoa da.

Gora

Transferentzia

Edukiontzietan bildutako paper eta kartoi guztia bereizketa instalazioetara eramaten da. Bertan sailkatzen da, papera eta kartoia bere zuntzaren kalitatearen arabera bereiztuta. Fardoak egin eta lehengai hori paper edo kartoi berri bihurtzen arduratzen diren enpresetara bidaltzen da. Orokorrean, 4 talde egin daitezke:

Kalitate arruntak: paperak eta kartoiak nahasita, kartoi zatiak, bilgarriak, e.a.
Kalitate ertainak: egunkari papera, aldizkariak, kola gabeko koadernaketak, e.a.
Kalitate gorenak: inprimatzeko paper zuria, ordenagailurako paper jarraitua, e.a.
Kraft kalitateak: kraft paperez egindako kartoi izurtua, kraft paper zatiak, e.a.

Papera kalitatearen arabera bereiztea oso garrantzitsua da lehengaiak birziklatu ezin daitezkeen paper motak edo birziklapen prozesuari kalte egin diezaioketen bestelako gai arraroak izan ez dezan.

Urtea :

2008. URTEAN ERMUKO UDALERRIA NBILDUTAKO PAPER ETA KARTOI KANTITATEAK
(DEBABARRENAKO MANKOMUNITATEA, 2008)
Hilabeteak	Kilogramotan adierazitako kantitateak
Urtarrila	36.207
Otsaila	33.556
Martxoa	28.663
Apirila	31.686
Maiatza	30.175
Ekaina	33.349
Uztaila	32.235
Abuztua	14.062
Iraila	38.024
Urria	35.105
Azaroa	0
Abendua	0
GUZTIRA	313.062

Gora

Tratamendua

Lehengaia kalitatearen arabera bereizten denean, papera pulper edo zuntzgabetzeko makina batean isurtzen da urarekin batera, bertan txikitu egiten da zelulosa-zuntzak bereizteko. Pulperra hondoan disko bat duen harraska zirkularra da eta zenbait hegal irteten zaizkio. Diskoa mugitzean materiala txikitzen da eta erauzketa kameratik ateratzen da. Prozesu honek zuntzak modu egokian desegitea lortzen ez badu, orea pilulagabetzeko makinatik pasatuko litzateke. Prozesu honetan oreak zirkulu itxurako lerroetan hortzak dituzten zenbait irekiduratatik igaro behar du. Hortz hauek mugimendu birakaria dute.

Plastikoak. Loditasun txikia duenez oretik bereizten dira araztaile zikloniko estatiko eta dinamikoetan baita sakabanatze-sistemetan ere.
Tinta. Paperezko oreak aurkez dezakeen ezpurutasunik handiena da. Bi sistemen bidez gauzatzen da batez ere:
- Garbiketa: oreari zenbait produktu kimiko eransten zaizkio, horrek urak tinta erakartzea dakar.
- Flotazioa: produktu kimikoak eransteak aurreko metodoaren alderantzizko eragina du, urak tinta aldaraztea baitakar. Orea aireztapen-prozesu bat jasaten du, prozesuan osatzen diren aire-burbuilek tinta gainazalera arte igotzeko aukera ematen dute. Hauek, era berean, ihinztaduraz kentzen den gainazaleko aparra osatzen dute.

Zenbait kasutan, paper birziklatuari eman nahi zaion zuritasun mailaren arabera, orea kloroz, hipokloritoz edo peroxidoz, edo hain kutsagarriak ez diren osagai oxigenatuez zuritzen da. Orearen beraren kalitatea hobetu nahian batzuetan pasta birjina, almidoia edo koloratzaileak eransten zaizkio.

Gora

Hirigintza menu