Ermuko Udala
Laguntza Menua
- 2022(e)ko abuztuaren 19(a), ostirala
- Castellano
Argazkien Menua
Menu Nagusia
Espainako klima
Espainiak klima epela du latitudeagatik eta itsasoz inguratuta dagoelako. Aire-masa hotzak iparraldetik datoz eta aire-masa beroak hegoaldetik. Atlantikoko ozeanoak eta Mediterraneo itsasoak klimarengan eragina dute, berau leuntzen baitute.
- Atlantikoko klimaren eremua: Galiziak eta Kantauri itsasoko ertzak tenperatura leunak eta prezipitazio sarriak dituzte urte osoan zehar. Bi baldintza hauek landaretza garatzea eta paisaia berdea eta hezea izatea dakartzate.
- Klima mediterraneoaren eremua: Balear uharteek, mediterraneoko kostaldeak eta Andaluziako zati batek uda beroak eta lehorrak eta negu epelak dituzte. Urtean zehar dauden prezipitazioak urriak dira eta udaberrian eta udazkenean izaten dira. Landaretza lehorte denboraldietara eta udako tenperatura altuetara moldatu egin da.
- Klima kontinentalaren eremua: Mesetako eskualdeetan, Ebroko sakonunean eta Guadalquivirreko sakonunearen zati batean uda oso beroa da eta negua oso hotza. Prezipitazioak urriak dira eta udaberrian eta udazkenean izaten dira, batez ere.
- Mendiko klimaren eremua: Pirinioetan, Kantauri mendikatean, Sistema Zentraletan eta Mendikate Penibetikoan tenperaturak eta prezipitazioak txikiak dira. Azken hauek sarritan elur gisan izaten dira eta ugariagoak dira.
- Kanarietako klimaren eremua: Kanariar uharteetako udako eta neguko tenperaturen aldaketak txikiak dira. Ekialdeko irletan prezipitazioak oso eskasak dira eta ugariagoak mendebaldekoetan. Irla bakoitzaren iparraldean hegoaldean baino sarriago izaten dira
Europaren erdialdeko Atlantikoko klima
Gure klimatologia Europaren erdialdeko Atlantikoko motakoa da. Klima epela eta hezea da, denboraldi lehor edo idorrik ez edukitzeagatik eta urtaro hotz eta laburra izateagatik bereizten dugu besteetatik. Maila makroklimatiko honetan bere behin betiko aldagaien batez besteko balioak hurrengo hauek dira:
| KLIMA-ALDAGAIA | BATEZ BESTEKO BALIOA |
|---|---|
| Urteko batez besteko tenperatura | 12-14ºC |
| Hilabete hotzenaren batez besteko tenperatura | 6-10ºC |
| Hilabete beroenaren batez besteko tenperatura | 18-20ºC |
| Izozte-denboraldiaren batez besteko iraupena | 4 a 6 meses |
| (E.T.P.) URTEKO BATEZ BESTEKO EBAPOTRANSPIRAZIOA | 650-750 mm |
| Urteko batez besteko prezipitazioa | 8.324 |
| Urteko batez besteko defizita | 5.946 |
| Denboraldi lehorraren batez besteko iraupena | 7.135 |
| Neguko prezipitazioa | 8.324 |
| Udaberriko prezipitazioa | 8.324 |
| Udazkeneko prezipitazioa | 8.324 |
Tokiko klimatologia
Ombroklima hiperhezea, mediterraneoaren eragin falta eta neguko erregimen termikoa epel-freskoa dira honen ezaugarriak.
Urria eta apirila artea aretan gehienezko prezipitazioa lortzen du, maximoa abenduan eta minimoa martxoan dituelarik. Zazpi hilabete hauetan urteko prezipitazio guztizkoaren %87 baino gehiago biltzen da.
Denboraldi honetan zehar hileko prezipitazioak 100 mm gainditzen ditu, martxoan izan ezik.
Laino ugari dago urtean zehar eta airearen hezetasun erlatiboa altua da.
Neguak freskoak dira eta ez dira oso gogorrak. Izozte kopurua urtean 10 egunetik beherakoa da.
Udak leunak eta onak dira, bero handirik gabe. Erregimen termikoaren leuntasunak eta prezipitazio ugariek landare-jardueraren denboraldia zabala izateko aukera ematen dute, 10-12 hilabete artean. Jarraian, 20 urtetan zehar Ongarai Ikastetxean (egun Anaitasuna Ikastola) dagoen estazio meteorologikoan jasotako tenperatura eta plubiometria datuak gehitu ditugu.
Honen kontrola Jorge Totorika irakaslearen pazientzia handiko lan eskuzabalari esker egin ahal izan da. Berari eskertu behar diogu gaur datu hauek eskaini ahal izatea.
- Estazioa: ERMUA
- Ongarai Ikastetxea
- Kontrolatzailea: Jorge Totorika
- Kontrol-urteak: 20
- Altuera (s.n.m.): 230 m.
| Tenperaturak | Balioa |
|---|---|
| Urtetik urterako batez besteko tenperatura | 12,8ºC |
| Maximoen batez besteko tenperatura | 17ºC |
| Maximoen batez besteko tenperatura - hilabete hotzenarena- (Urtarrila) |
10,5ºC |
| Maximoen batez besteko tenperatura - hilabete hotzenarena- (Urtarrila) |
24,9ºC |
| Minimoen batez besteko tenperatura |
7,8ºC |
| Minimoen batez besteko tenperatura - hilabete hotzenarena - (Urtarrila) |
2,8ºC |
| Minimoen batez besteko tenperatura - hilabete beroenarena - (Abuztua) |
13,8ºC |
| Urtetik urterako batez besteko prezipitazioa ( l/m2) | 1.430 mm. |
| Prezipitazio egunak urtean |
171 |
| Gehienezko prezipitazioa duen hilabetearen batez bestekoa (Apirila) | 180 mm |
| Gutxieneko prezipitazioa duen hilabetearen batez bestekoa (Uztaila) | 56 mm |
© Ermuko Udala, 2022 - Marqués de Valdespina, 1 - 48260 Ermua - Bizkaia - Telefonoa: 943 17 90 10
