Ermuko Udala
Laguntza Menua
- 2022(e)ko abuztuaren 16(a), asteartea
- Castellano
Argazkien Menua
Menu Nagusia
Segurtasuna denda barruan
Argiztapena
- Ezinbestekoa da barruko eta kanpoko argiztapena zure dendaren segurtasuna ziurtatzeko.
- Intentsitate nahikoa duen argiztapenak ezabatzen ditu alde ilunak. Badira merkatuan norbait eremu zehatz batera hurbiltzean aipatutako eremua argiztatzen duten sistemak. Bestalde, instalazio elektrikoa arrisku-gune nagusien artean dago.
- Gauean barrualdea argizta ezazu.
- Ezar ezazu argiztapen ona ate guztietan, kale zuloetan eta atzeko patioetan.
- Kableak eta lotune elektrikoak baldintza egokietan izan itzazu.
- Ez gehiegi kargatu instalazioak.
- Argiak bero-gune garrantzitsuak dira. Ez utzi arropa, paper edo erre daitekeen elementurik horietatik hurbil. Kontsumo txikiko lanparak erabil itzazu.
- Aldi baterako erakusleihoen instalazioekin kontu handiz ibili.
Kutxa erregistratzaileak eta kutxa gotorrak
- Gogora ezazu kutxa gotorra ezkutatzeak lapurrek kalte handiagoak eragitea dakarrela, bilaketaren ondorioz.
- Ahalik eta eskudiru gutxien eduki. Gorde ezazu sarritan bankuak edo aurrezki kutxan ordutegi ezberdinetan.
- Kutxa erregistratzailea argiztatu behar da, kanpoaldetik erraz ikusteko moduan. Denda itxi baino lehen kutxa zabalik eta hutsik utzi, horrela alferrikako kalteak saihestuko dituzu.
- Kutxa gotorra zoruan sar ezazu.
- Langileren bat aldatzekotan kutxa gotorraren konbinazioa ere alda ezazu.
Biltegiak
- Garbi dagoen dendak suteak jasateko arrisku gutxiago dauka. Hala ere, sua hasten denean itzali ahal izateko su-itzalgailuak izatea beharrezkoa da.
- Ez ezazu ezkutalekuen alde egin kartoizko kutxekin edo paper zein hondakin mordoarekin. Ez itzazu pilatu erraz erretzen dira eta.
- Su-itzalgailu egokiak jar itzazu sartzen erraz diren lekuetan eta urtean behin berrikuspena eska ezazu.
- Denda ixtean ziurta ezazu ez dagoela inor barruan. Araka itzazu armairuak, komunak eta norbaitek ezkutatzeko erabil ditzakeen lekuak. Bide batez, egiazta ezazu ez dela zigarrokinik, kablerik edo beste edozein sute-arrisku gunerik piztuta geratu.
Lapurreta edo sutea gertatzekotan
- Ez ezazu denborarik gal eta Udaltzaingoa jakinaren gainean jarri berehala 943176300 telefono zenbakira deituz.
- Ezin baduzu sua itzali, alde egin arineketan ateak eta leihoak ondo itxiz eta ziurta ezazu ez dagoela inor barruan.
- Lapurretarik izan bada, ez ezazu ezer ukitu eta saia zaitez gertakaria jazo den lekua bere horretan egoten, horrela ez bada poliziaren ikerketa oztopa dezake eta.
- Lapurtutako edo galdutako objektuei buruzko informazio guztia emateko presta zaitez.
- Lapurreta zure dendan gertatu bada ekidin itzazu jendaurreko zurrumurruak. Batzuetan okerreko susmo txarrak hartzera bultza zaitzakete.
Identifikazioa
- Denda bakoitzak baditu idazteko makinak, kutxa erregistratzaileak, ordenagailuak eta abar. Trokel baten laguntzaz graba ezazu datu bereizgarriren bat lapurreta gertatuz gero saltzeko zaila izan dadin.
© Ermuko Udala, 2022 - Marqués de Valdespina, 1 - 48260 Ermua - Bizkaia - Telefonoa: 943 17 90 10
