Trenbide sarea

Itzuli

Euskotren ustiatzen duen Bilbo-Donostia/San Sebastián lineak osatzen du.

Sarearen deskribapena eta zerbitzuak

Trenbidea udalerriko hegoaldetik ibiltzen da, bide elektrifikatu bakarra baliatuta. Mendebaldetik, Lezurdi Basotik sartzen da, tarte batean Beko-Ererketa errekarekin paraleloan ibiltzen da, eta ondorengo tartean Ego ibaiarekin (Uretamendiko hegalean); Espillan tunel laburra igaro ostean, ibilbideak bihurgune sakon eta estu bat egiten du hirigunearen ertzeraino hurbildu arte; azkenik, San Lorenzoko ekialdetik Eibarrerantz jarraitzen du (Zaldibarreko udal mugartean geldiune bat egiten du).

Ermutik igarotzen den ibilbidearen tartea Lezurdi Basoan hasi (kota: +225) eta beherako malda nabarmenean jaisten da San Lorenzoraino (kota: +180), eta malda leuntzen da geltokiraino hurbildu ahala (kota: +172); beherako maldan jarraitzen du San Lorenzoko geralekuraino (kota: +152).

Zerbitzuari dagokionez, Ermuak geltoki bat eta bi geraleku ditu. Geltokia nasa bakarrekoa da; bertako eraikinean bidaia-txartelak saltzen dira, eta lineako langileek bertan lan egiten dute. Errotabarri eta San Lorenzoko geralekuek sarbide-kontrola eta txartel-salmentako zerbitzua dituzte.

Trenbideak ematen duen zerbitzuan bi mota bereiz daitezke: bata, eskualdeko zerbitzua, eta bestea, Eibarrekin lotura egiten duen ”tranbia” zerbitzua:

Eskualdeko edo ibilbide luzeko zerbitzua bi ustiapen motatan egiten da: alde batetik, tartetan banatutako ustiapen nagusi bat, eta beste alde batetik intentsitate txikiagoko ustiapen bat, Bilbo-Donostia/San Sebastián ibilbide oso kudeatzen duena.
Gaur egun, Ermua da Durangaldetik datorren ustiapen partzial horietako baten azken burua. Bertatik aurrera, beste ustiapen partzial batek egiten du Debarainoko zerbitzua.
Agerikoa da zerbitzuak eskualde izaera galdu duela; orain, zerbitzu lokalagoa da.
Eibarrekin lotzeko "Tranbia" zerbitzuak erabiltzaile ugari ditu; egunean Ermuko 3.000tik gora bizilagunek erabiltzen dute zerbitzu hori.

Gora

Ezagutu Ermua menu