Ermuko Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2022/7/29

2022ko Santixauak: giroa eta parte-hartze handia jardueretan, segurtasun-gorabeherarik gabe

Ermuko herriak amaiera eman die Santiagoren omenezko jaiei ‘nota altuarekin'. Laburpenean hiru alderdi nabarmentzen dira: parte-hartze handia, giro bikaina eta herritarren segurtasun alorrean gorabehera aipagarririk ez egotea; izan ere, ez da epaitegira edo polizia zentrora eraman beharreko atxiloturik egon ez eta osasun-zentrora eraman beharreko zauriturik —bigantxetan ere ez—, arloko buruzagitzaren txostenak jasotzen duenez. Ez da jaso genero-erasoengatiko salaketarik, eta, beraz, sen ona eta zentzu hori izan dira nagusi jaiegunetan. Parteak gertakari txikiak jasotzen ditu, hala nola alkoholak eragindako liskarren bat, gehiegi kontsumitzeagatik pasabideren bat, erorikoren bat, kaleko salmenta-postuetan zapatilak eraman izana eta objektu pertsonalak galtzea. Beraz, segurtasun arloko balantze "positiboa"; izan ere, jaiak normaltasun parametroen barruan igaro baitira jendetza eta intentsitate handiko jardunaldien eguneko 24 orduetan; beraz, jai horiek ‘lasaitzat hartu behar ditugu’.

Udal kultura sailak ere amaitu berri diren jaien ‘balantze positiboa’ egin du. Udal Kultura saileko bozeramaile baten hitzetan, Santixau on batzuk izan ditugu, jende asko eta parte hartze altua izanik herriko kolektibo eta elkarteekin elkarlanean antolaturiko ehun inguru jardueratan eta horien emaitzan”. Gazteek protagonismo handia izan eta jaietarako zuten gogoa erakutsi dute.

Ermuak, bizilagunek eta bisitariek aurreikusitako ekitaldiez gozatu dugu; kaleaz eta lagun eta ezagunekin berriz elkartzeaz eta partekatutako denboraz. Egutegiak lagundu du horretan, eta asteburua egutegiko egun gorriei gehitu zaie. Programak jarduera eta estilo ugari izan ditu, eta pertsona bakoitzari bide emanez, gure gustuko programazioak aurkitu ditugu. Jende asko bildu du, besteak beste, ‘Skakeitan’ eta ‘La Oreja de Van Gogh’ taldeen aire zabaleko kontzertuak, David Morenoren eta Markelineren kaleko ikuskizunak, ‘Vulkano’ eta ‘Pasarela’ taldeen berbenak, eta ‘The Joselontxo's', ‘Irulitxa’, ‘MacJeara 's Jazz Band’ eta Mariatxien bandek, eta bereziki ‘Los artistas del gremio’ izenekoak, bere musika egiteko modu bereziaz, koreografia zoro eta lotsagabeaz eta janzteko modu bitxiaz.

San Antonioko barrakek espazio ludiko, erdigune eta segurua izatearen baldintza bete dituzte, perimetroa hesiz inguratuta egon delako eta Udaltzaingoaren patruilen arreta berezia izan duelako.

Iparragirre eta Santa Ana kaleetako txosna gunea izan da beste berritasunetako bat, jende asko bildu duena, batez ere gazteak, musika eszenatoki propioa, bazkari herrikoia hartu eta giro osasuntsua izan dituenak ezaugarri.

Hobekuntza aukera duten jardueren artean, parte-hartze txikia izan duten koadrilen arteko jokoak daude, bertan behera geratu den baita play-back lehiaketa ezaguna ere, azken hori beste musika-proposamen batzuekin ordezkatu dena.

Laburbilduz, hurrengo ediziorako gutxiago falta da, eta hori prestatzen hasiko gara eragile askoren ekarpenarekin eta lanarekin, pertsona guztientzat pozgarria izango den jarduera-programa bat antolatzeko.

Azpian, jaiak laburbiltzen dituzten irudiak uzten dizkizuegu.

Argazki-sorta bistaratzea



Gora



© Ermuko Udala, 2022 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo