Ermuko Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2021/7/22

Udalak zuhurtzia eta erantzukizuna eskatu die herritarrei datozen egun bereziak direla eta

Ermuko Udalak bizi dugun osasun egoera korapilatsuaren aurrean ardura eta zuhurtasun mezua helarazten duen bandoa argitaratu du, Santixauetako jai egunetan gerta litezkeen ospakizunei begira.

“Aurten ere goiari eutsi behar diogu, berriro ere, ezin izango baitugu gure jaiez gozatu ohi bezala, lagunekin eta maite ditugunekin. Osasuna arriskuan jar dezaketen jarduerak saihestu behar ditugu. Pixkanaka borroka irabazten ari gara. Txertaketari esker egoera arintzen ari da guztiontzat, baina arduratsuak izaten jarraitu behar dugu, eta pertsonen kontzentrazioak saihestu, maskarak erabili, eskuen higienea mantendu eta, azken finean, gure helburua lortzen laguntzen diguten neurri guztiei eutsi”, zehazten da dokumentuan. Herriko portal guztietan kokatuko da bandoa.

Udalean ordezkaritza duten talde politiko guztiek erantzukizun-mezu bat helarazi nahi diete herritarrei: “Zuhurtzia-mezu bat, ez lasaitzeko eskatuz baina, batez ere, itxaropen-mezu bat igorriz. Badakigu bidea gogorra izaten ari dela, baina badakigu lortuko dugula”.

“Ziur gaude laster berriro normaltasunez bizitzeko aukera izango dugula, baina horretarako txertaketa-tasa altua lortu behar dugu, ‘artaldeko immunitatea’ deritzona lortzeko. Gure Santixauak lehen bezala ospatuko ditugu, horretaz ez dago zalantzarik; bultzadatxo bat besterik ez zaigu geratzen”, dio Juan Carlos Abascal alkateak sinatutako oharrak.


Gora



© Ermuko Udala, 2021 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo