Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2020/10/16

Minbiziaren Aurkako VI. Martxa, formatu birtualean

Minbiziaren Aurkako Espainiako Elkartearen (AECC) Ermuko Tokiko Egoitzak Minbiziaren aurkako Martxa Solidarioaren seigarren edizioa antolatu du datorren iganderako, urriak 25. Covid-19aren pandemiak eragindako egungo egoera dela eta, imajinaezina litzateke urtero milaka pertsona biltzen dituen ekitaldi bat antolatzea udalerrian; beraz, aurtengo edizioa modu birtualean egingo da.

Astelehenean, urriak 19, hasiko da dortsalen salmenta, eta bi modalitate izango dira:

Izena emateak 5 euroko prezioa du bi modalitateetan, eta aurreko urteetan bezala, minbiziaren aurkako ikerketara bideratuko da jasotzen den diru guztia. Aurtengo edizioan, UPV/EHUko Mikel Ruiz de Gauna Madariagak zuzentzen duen Deserregulazio metabolikoa kolangiokartzinoman: diana terapeutiko berrien bila (behazun-bideetako minbizia) ikerketa bekak jasoko du diru-laguntza.

Martxa birtualaren antolatzaileek herritar guztiak animatu dituzte datorren igandean, hilak 25, dortsalak edota aurreko edizioetako kamisetak leiho eta balkoietan eskegitzera. Gainera, dortsala eskuratzean, atera argazki bat eta igo sare sozialetara #LaCarreraMásLarga etiketarekin, minbiziaren aurkako martxa are gehiago ikusarazteko.

Lasterketa birtualaren egunean, bai eta aurreko eta ondorengo egunetan ere, AECCk hainbat jarduera eskainiko ditu online, eta horiek testuinguruan jarriko dute martxa sare sozialen bidez.

Eman izena, lasterketarik luzeenak ezin du eta ez du gelditu behar.

Argazki-sorta bistaratzea



Gora



© Ermuko Udala, 2020 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo