Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2020/2/11

Aste honetan terrorea, drama, komedia eta marrazki bizidunen generoak eskainiko dizkigu Antzokiak

Antzokiko zine eskaintzak lau izenburu berri eta interesgarri proposatzen dizkigu aste honetarako. Gozatu hartzeko lehen proposamena ostegunean iritsiko zaigu, arratsaldeko 20:30etik aurrera, zineklubak proiekatuko duen ‘El faro' tituluarekin. Robert Eggersek zuzendutako ekoizpen iparramerikarra da, eta fantasiazko eta beldurrezko zinemaren kutsua duen drama bat kontatzen du. Aipamenak aurreratzen digu istorioa Ingalaterra Berriko uharte urrun eta misteriotsu batean kokatzen dela 1890eko hamarkadan. Thomas Wake faraoi beteranoak eta Ephraim Winslow bere laguntzaile gazteak lau astez elkarrekin bizi beharko dute, eta itsasargia egoera onean mantendu, bere erreleboa iritsi arte. Baina gauzak korapilatu egingo dira. Jatorrizko bertsioan ikusiko dugu, gaztelaniazko azpitituluekin.

Titulu komertzialak asteburuarekin batera iritsiko zaizkigu. Larunbatean, 22:00etan, Taika Waititi estatubatuarraren Jojo Rabbit' ikusteko aukera izango dugu. Sipnosiak dio Jojo "Rabbit" Hitleriar Gaztedietako ume alemaniar bakarti bat dela, bere mundua hankaz gora ikusten duena bere ama Rosie gazteak atikoan neska judu bat ezkutatzen duela jakiten duenean. Bere lagun imaginario onenaren laguntza bakarrarekin, ume ergel samarra, Jojok aurre egin beharko dio bere nazionalismo itsuari. Oscar sarietarako 6 izendapen, film onena, gidoi egokitu onena eta bigarren mailako emakumezko aktore onena barne. Igandean ere ikusi ahal izango dugu, gaueko 19:30ean.

Asteburu honetarako bigarren proposamen komertziala Nicolas Pariser zuzendariaren Los Consejos de Alice' film luzea da. 2019ko da eta generoa komediaren eta dramaren artean kokatzen da. Laburpenaren arabera, Lyongo (Frantzia) alkatea egoera delikatuan dago. Politikan 30 urte eman ondoren ideiarik gabe geratzen da, eta hutsune existentzial moduko bat pairatzen duela sentitzen du. Ezbehar hori gainditzeko, Paulek filosofo bikain bat kontratatzea erabakiko du. Larunbatean 19:30ean, igandean 22:00etan eta astelehenean 20:30ean ikusi ahal izango dugu zinta hau.

Azkenik, igandeko haurrentzako saioan, 17:00etan, Operación Panda' marrazki bizidun eta abenturazko filma proiektatuko dugu. Okerreko bidetik, zikoina baldar batek panda haurtxo bat ematen du helbide okerrera. Orduan, hartz batek eta haren lagunak abentura ausart batean murgilduko dira, panda txikiari bere benetako familia ezagutzen laguntzeko eta etxera itzultzeko.

Argibide gehiagorako, ikus Antzokiaren mikrositea.

Lotura

Informazio gehiago


Gora



© Ermuko Udala, 2020 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo