Berriaren xehetasuna

Itzuli

2007/6/11

Ermua eta gimnasia erritmikoa eskutik bat

Ikasturtearen amaiera gain-gainean dugula eta, gimnasia erritmiko erakustaldiak jendetza ugari bildu zuen azken ostiralean, M.A. Blanco udal kiroldegian. Erakustaldi horretan Eibar eta Ermuko 59 neskatila gazte ikusi ahal izan genituen jardunean. Neskatilak zoragarri aritu ziren, entrenamendu ugaritan ikasi eta landutako teknikak menderatzen dituztela erakutsiz eta, baita, kirol horretan dituzten dohainak.

Erakustaldia arratsaldeko 7etarako iragarrita bazegoen ere, ordu laurden beranduago hasi zen. Ikusleek urtzeko moduko beroa jasan behar izan zuten arren, neskatoen emanaldiak deserosotasun guztiak atzean utzi zituen, ikuskizuna dibertigarri eta entretenigarria oso suertatu baitzen.

Erakustaldi horretan Urkizu ikastetxeko taldea eta Ermuko taldea aritu ziren. Lehenengoa Eibarkoa da eta Esther Barcenillak entrenatzen du, bigarrena berriz, gure herrikoa eta Ana Martín entrenatzailearen esanetara ari da lanean.

Eibarko Gimnasia erritmikoko eskolaz kanpoko taldeak bere emanaldia lau taldetan banatu zuen, parte hartzaileen adin eta aparailuen arabera:

Txikienak 5-6 urtekoak ziren eta ‘esku libreko’ ariketak egin zituzten.
9-10 urtekoek sokarekin aritu ziren lanean.
11-12 urtekoek, berriz, pilotarekin jardun zuten.
12-13 urtekoek, uztaiekin lan egin zuten.

Emuko taldea, askoz handiagoa da eta horretan 40 neskatila daude, zeintzuek ondorengo sailkapenaren arabera banatu zuten emanaldia:

Benjamin aurrekoak (zortzi urtera artekoak).
Benjaminak (8 eta 9 urtekoak)
Alebinak (10 eta 11 urtekoak)
Infantilak (12 eta 13 urtekoak)
Kadeteak (14 eta 15 urtekoak)
Jubenilak (15 urtetik gorakoak)

Ermuko taldeko kideak Gipuzkoako lurraldean jarduten dute lehiaketan eta, amaitzear dagoen denboraldia honetan emaitza onak lortu izan dituzte. Esaterako, aipatzekoak dira ondorengo sailkapenak:

Alebinak lurraldeko 6. geratu izan dira.
Kadeteak lurraldeko 4 postuan sailkatu dira.
Jubenilak lurraldeko 6. Euskadiko 4.enak.
Infantilen taldeko Leirek 8 postua eskuratu du, bakarlari gisa.

Gora

Menú Zure zerbitzura