Ermuko Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2010/5/6

udalekuetarako izen-ematea astelehenean hasiko du Euskarak, egitarau banatu ondoren

Eskolak amaitu eta aisialdirako tartea hasteaz batera, Udalekuak hasiko dira. Aurten ekainaren 28tik uztailaren 9ra bitartean izango dira. Izena ematea maiatzaren 10ean zabalduko da eta 21ean itxiko da. Izen-emateak udal euskara zerbitzuan egin beharko dira, Udaletxearen behe solairuan duen egoitzan. Euskara Zerbitzuak aurtengio egitaraua herriko ikastetxeetara bidali du aste honetan, ikasleen artean banatzeko. Egitarau proposamen hori ‘Antxitxiketan’ begirale taldeak prestatu du, urteroko legez. Betiko moduan, Lehen Hezkuntzako 1ngo kurtsotik DBHko 4 maila bitarteko ume eta gazteek eman ahalko dute izena eta bi astetan zehar hainbat jolas, tailer eta txango burutuko dituzte.

Aurten badira nobedadeak gainera, batetik taldeen osaketari dagokionez, Gabonetan izandako esperientzia positibo oinarri eta begiraleen aholkuei jarraituz, Lehen Hezkuntzako hirugarren mailako umeak ertainen taldera pasatuko dira eta Lekunberrira hiru egunetan joateko aukera ere izango dute. Bigarren aldaketa aipagarria, nagusien taldeari dagokio, Frias aldera astebetez joateko usadioari amaiera eman zaio eta egokiago ikusi da nagusientzako udalekuak bi astekoak bihurtzea, tailerrak, egun bateko ekintzak eta etxetik kanpoko egonaldiak tarteratzea. Honek, antolatzaileen iritziz, egiten diren jardueren kalitatea jaitsi barik, egitarau erakargarriagoa eta osatuagoa eragin du, hain gustuko dituzten piraguismoa zein surf ikastaroa egingo baituzte.

Informazio gehiago:

Lotura

Informazio gehiago


Gora



© Ermuko Udala, 2022 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo