Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2020/9/25

Euskaraldiaren bigarren edizioa Ermura iristear da

Badator Euskaraldiaren edizio berria! Azaroaren 20tik abenduaren 4ra bitartean burutuko da ekimena, eta euskara Gehiago, gehiagorekin, gehiagotan erabiltzea du helburu, aurtengo leloak dioen moduan.

Duela bi urte eginiko lehenengo edizioan, ia mila ermuarrek parte hartu zuten gizarte esperimentu honetan. Oraingoan, jada 50 erakunde baino gehiagok izena eman dute, euskararekiko duten lotura erakutsiz eta ekimenarekin bat eginez. Entitateentzako izen-emate epea irailaren 27a arte, igandea, egongo da zabalik. Norbanakoek, aldiz, azaroaren 20an ekimena hasi bitartean izena eman daiteke honako lotura honetan.

Gutxienez euskara ulertzeko gaitasuna duten 16 urtetik gorako pertsonek parte hartu dezakete Euskaraldian. Bakoitzak erabakiko du zein rol den berarentzat egokiena; horrela, 15 egunez, modu kontziente eta borondatezkoan, hizkuntza ohiturak astindu edo euskararen erabileran aurrerapausoak eman ditzakete partaideek.

Ariguneak, berrikuntza nagusia

Euskaraldiaren bigarren edizioko berrikuntza nagusia parte-hartze kolektiboa sustatzeko Ariguneak dira, euskaraz naturaltasunez aritu ahal izateko espazioak. Erakundeek Arigune bezala parte hartzeko, lehenik eta behin, bertako parte-hartzaileak ados jarri behar dira, eta ekimenak irauten duen bitartean beren rola hautatu eta bete behar dute. Rolak lehen edizioan bezala mantentzen dira, eta honako hauek dira:

Hala ere, antolatzaileek azpimarratu dute ez ditugula nahastu behar rol horien aukeraketa eta hizkuntza-gaitasuna, euskaraz hitz egiteko ohitura eta joerekin baizik. Hori da ekimenaren helburua: ohiturak eta jarrerak aldatzea eta euskara gehiago erabiltzea, espazio gehiagotan eta jende gehiagorekin.

Kontsultatu Euskaraldia 2020ri buruzko informazio guztia ekimenaren webgune ofizialean. Ermuko ekimenari buruzko xehetasun gehiago nahi izanez gero, bidali mezu bat ermukoeuskaltzaleensarea@gmail.com helbidera.

Argazki-sorta bistaratzea



Gora



© Ermuko Udala, 2020 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo