Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2020/4/14

Ermuko Udalbatzak Informazio Batzorde digitala burutu du lehenengo aldiz

Covid-19 birusak eragindako osasun krisia ezohiko neurriak hartzera behartzen ari da gizarte osoa, egoera arindu ahal izateko. Bitartean, Alarma Estatuaren berezitasunen barruan, eguneroko jarduerari normaltasunez eusten saiatzen ari gara, aurrerapen teknologikoei esker eskura ditugun bitarteko eta kanal berrietara egokituz.

Ermuko Udalbatza ez da salbuespena; martxoaren 14tik aurrez aurreko bilera guztiak bertan behera utzi ondoren, talde politikoek euren jarduera bitarteko digitalen bidez mantentzearen alde egin dute.

Hala, pasatu den apirilaren 7an, asteartea, agintaldi honetako Gai Orokorren eta Osoko Bilkurak aztertu beharrekoen lehenengo Informazio Batzorde telematikoa egin zen. Udalbatzako kideak, udal-idazkaria eta erakundeko arlo-zuzendariak bideokonferentzia bidez bildu ziren hainbat gai jorratzeko, hala nola, herrian egiten ari diren lanak, Zaldibarko zabortegian egiten ari diren jardueren nondik norakoak edo Alarma Estatuko aste hauetako udal-zerbitzuen kudeaketa.

Juan Carlos Abascal alkateak eskerrak eman nahi izan zizkien Udalbatzako zinegotziei horrelako bilera digitalak egiteko erakutsitako prestutasunagatik, eta azpimarratu duenez, “egoera paregabea bizitzen ari garen arren, Udalaren jarduerak aurrera jarraitzen du eta erabakiak hartzen jarraitu beharko dugu”. Hala, alkateak dagoeneko aurreratu du, Alarmako Estatua luzatzen ari dela ikusita, ziurrenik Osoko Bilkuraren bat egin beharko dela bide telematikoak erabiliz.

Saioaren bideoakta datozen orduetan egongo da eskuragarri.

Azken hamarkadan teknologia berrietan eta informatikan egindako inbertsioei esker, Ermuko Udala modu telematikoan lanean jarraitzeko gai da. Izan ere, erakundearen sistema informatikoak telelana egiteko aukera ematen du, eta langileek beren dokumentu eta aplikazioetara sartzeko aukera dute etxetik, lanpostuan baleude bezala lan egin ahal izateko. Gainera, banda ultra zabaleko zuntz optikoko udal-sareari esker, Interneterako konexio azkarra eskaintzen da udalerri osoan.


Gora



© Ermuko Udala, 2020 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo