Aisialdiko jarduerak

Testuingurua

Jarduera hauen helburu nagusia umeen garapena esparru guztietan sustatzea da. Hau da: ikastetxean, familian, lagunartean…

Irakaskuntzako B eta D ereduak indartu ahala, ikastetxeetan euskara geroz eta gehiago erabiltzen dute. Hala eta guztiz ere, benetako elebitasuna lortzea irakaskuntzaz haratago doala jakin badakigu.

Ermuan bere ingurunean umeek normaltasunez gutxitan hitz egin dezakete euskaraz, eta horretan oinarritzen da, hain zuzen ere, gurasoek ekimen honen aurrean erakutsi duten jarrera positiboa.

Halaber, umeari bere adinaren arabera dagokiona jolastea eta dibertitzea dela kontuan hartuta, jarduera honen barruan jokoak eta horretarako jarduera egokiak jasota daude. Horrela, euskaraz bizitzeaz gain, umea gustura egongo da eta ondo pasatuko du.

Gora

Helburuak

Bi eratako helburuak bereizten ditugu:

Helburu linguistikoak
- Umeek euskararen aurrean jarrera positiboa izan dezaten lortzea.
- Ikastetxe-euskara identifikazioa gainditzea eta umeei erakustea euskara komunikaziorako tresna baliagarria dela.
- Taldean giro atsegina sortzea, bertan umeek ezagutzen duten euskara eroso eta konplexurik gabe erabili ahal izan dezaten.
- Umeei ikastetxean ikasten duten euskara erabiltzeko aukera eskaintzen dion ingurunea sortzea.
- Eguneroko bizimoduan euskara erabiltzeko ohitura sortzea.
Aisiarako hezkuntzaren helburuak
- Umearen garapen osoa sustatzea.
- Jarduera hauetan parte hartzen duten umeek ondo pasatzea eta bere aisiaz gozatzea.
- Natur ingurunea errespetatu eta zaintzeko ohiturak sortzea.
- Ermuko eta Euskal Herriko kultur elementuak ezagutzea.
- Umeak bere zaletasunak ezagutu eta garatzen dituen modua eskaintzea.

Nori zuzenduta daude?

Ermua eta Mallabiko 6 eta 13 urte bitarteko umeei. LHko 1. maila eta DBHko 2. maila bitartean eskolatutakoei alegia.

Noiz egiten dituzte?

Jarduera hauek uda eta Gabonetako oporraldietan garatzen dituzte:

Herriko jaiak, Santixauak, baino lehen bi astez jarraian garatzen dituzten jarduerak dira, bai Ermuan bai bestelako udalerri (kultur bisitak edo aisiakoak) edo leku batzuetan (gure kostaldeko hondartzak, hurbileko mendiak…).
Gabonetako oporraldiko sei egunetan zehar garatzen dituzten jarduerak dira, urteko azken astean eta hurrengo urteko lehen astean. Jarduera horiek Ermuan edo beste udalerri batzuetan (kultura eta aisiarako bisitak) egiten dituzte, egunera etxera itzultzen dira lo egitera.

Gora

Egiten dituzten jarduerak

Urtero ez dituzte jarduera berberak egiten, eta horiek egiten dituzten urtaroaren araberako jarduerak garatzen dituzte. Kultur bisitak, mendira egindako irteerak, eskulanak eta olgetarako jolasak udan zein Gabonetan egiten dituzten jarduerak dira.

Ordutegien, eraman beharreko arroparen eta janarien inguruko oharrak ikastetxeen bidez banatzen duten programa berezi batean jasota daude. Umea udalerriz kanpo eskolatuta baldin badago, informazio hori etxera postaz bidaliko diote. Gauza bera egingo dute herritarra Mallabikoa izatekotan.

Matrikula egiteko garaia

Udako udalekuen kasuan, izena ematean eta matrikulatzea, baita tasaren zenbatekoa ordaintzea ere, maiatzaren erdiko astetan egiten da.
Gabonetako ekintzen kasuan, izena ematea eta matrikulatzea, baita tasaren zenbatekoa ordaintzea ere, azaroaren lehen hamabostaldian egiten da.

Izena emateko eta matrikulatzeko lekua

Euskara Sailan (Udaletxeko beheko solairuan), 8:30etatik 14:30etara bitartean.

Ordaindu beharreko tasak

Kontzeptu honengatik ordaindu beharreko tasen zenbatekoa 23 zenbakidun udal ordenantzak araupetuta daude. Ordenantza horrek Gizarte eta Kultur Zerbitzuak eta Euskarazkoak eskaintzeagatik ordaindu beharreko kopuruak zehazten ditu. Aipatutako zenbateko horiek urtez urte aldatzen dira, eta Udaleku irekiak edo Gabonetako Jarduerak diren ere aldatzen dira.

Era berean, partaide bakarragatik edo bi anaia-arrebengatik ordaindu beharreko zenbatekoa ere ez da berdina. Bestaldetik, ordenantza horretan tasa aldakorraren kasua ere aurreikusita dago. Tasa horrek udalerriz kanpo alojamendua eta mantenua behar dituzten egonaldien aparteko kasuetarako kostuaren % 75 ordaintzen du.

Gora

Udal Euskara zerbitzuaren menu