Zerbitzua nola erabili

Itzuli

Liburutegian nahi duen pertsona oro sar daiteke, libreki eta doan. Hala ere, Liburutegiaren zerbitzuak erabiltzeko bi baldintza bete beharko dira:

Zerbitzuaren erabiltzaile izatea, alegia, liburutegira joaten den pertsona oro. Horretarako ez da bertara joatea besterik behar.
- Zerbitzuaren erabiltzaileak, ohikoak zein noizean behingoak, irakurgela eta ikasgelak erabil ditzake eta liburu, egunkari eta aldizkariak liburutegian bertan irakurri edo kontsultzeko aukera izango du, hau da: oinarrizko zerbitzuak erabili ahal izango ditu.
- Egoteko arauak bete ezean, erabiltzaileak galdu egingo du liburutegiaren zerbitzuak erabiltzeko eskubidea.
- Gainontzeko zerbitzuak erabiltzeko, bazkide izan behar da.
Zerbitzuaren bazkide izateak bazkide-txartela edukitzea eskatzen du. Liburutegiak eskaintzen dituen zerbitzu guztiak eta Euskadiko Irakurketa Publikoko Sarearen katalogoan azaltzen diren liburutegi guztien mailegu-zerbitzuak erabiltzea ahalbidetzen du.
- Bazkide-txartela doan da, eta ez du iraungitze-datarik.
- Berori lortzeko ez da baldintza berezirik bete behar, dagokion inprimakia betetzea besterik ez.
- Bazkideek helbidea, telefono zenbakia, helbide elektronikoa… aldatu edota bazkide txartela galtzen badute Liburutegian jakinarazi beharko dute.
- Bazkide txartelaren lehenengo berriztapena, galdu, lapurtu edo hondatuz gero, doan egingo da berria. Hurrengo berriztapenak kobratu egingo dira ezarritako prezio publikoaren arabera.
- ONA eta IZENPE txarteldunek horiek galdu, lapurtu edo hondatzea gertatzen bazaie, Liburutegiaren behin-behineko txartela eskatu beharko dute ONA edo IZENPE txartela berreskuratu artean.
- Liburutegiaren txartela aurkeztuta lortzen diren zerbitzuak liburutegiaren zerbitzu bereziak dira.

Gora

Liburutegi menua