Edafologia

Itzuli

Lurraldearen ordenazio eta planifikazioko lanetan lurzorua erabili behar denean, oinarri hartzen da lurzoru horrek gizakiaren jardueraren eragina jasateko dituen ezaugarrien –jarduerok jasateko gai den edo zaurgarria den– interpretazioa.

Lurzorua da landare-estalkiaren elikagaien euskarri eta iturria. Hori kontuan hartuta sortzen da inguru fisikoa aztertzeko alderdi bat, hain zuzen ere lurzoruaren produktibitate edo emankortasunari dagokiona.

Sail honetan udalerriko lurzoruen ezaugarriak deskribatuko dira, eta lurzoru horiek lurraldean duten kokalekua azalduko da. Horretarako, Bizkaiko Foru Aldundiaren “1:25.000 eskalako Azterlan Geomorfologiko Sintetikoa” baliatu da.

Gora

Lurzoru motak

Udalerrian agertzen diren lurzoru-motak ondoko taulan azaltzen dira:

Lurzoru-motak
Legenda	Esanahia
AoAg	Akrisol ortikoa/Agrisol gleykoa
Ao	Akrisol ortikoa
BcBd	Kanbisol romikoa/Kanbisol distrikoa
BdBe	Kanbisol distrikoa/Kanbisol eutrikoa
BdBhBg	Kanbisol distrikoa/Kanbisol humikoa/Kanbisol gleykoa
Bd	Kanbisol distrikoa
BeBdBg	Kanbisol eutrikoa/Kanbisol distrikoa/Kanbisol gleykoa
BeBdBh	Kanbisol eutrikoa/Kanbisol distrikoa/Kanbisol humikoa
BeBgBd	Kanbisol eutrikoa/Kanbisol gleykoa/Kanbisol distrikoa
BeE	Kanbisol eutrikoa/Rendsina
Bel	Kanbisol eutrikoa/Litosola
Be	Kanbisol eutrikoa
Bg	Kanbisol gleykoa
Je	Flubisol eutrikoa

Lurzoru-mota horietako bakoitzak gaitasun agrologiko diferenteak ditu, hainbat eragileren arabera: malda, higadura, lodiera, ezaugarri fisiko eta kimikoak, gazitasuna, etab. Erabiltzeko aukera gehien ematen duten lurzoruak haranaren hondoan daude. Ermuari dagokionez, lurzoru horietako ia guztietan hiriguneak daude. Lurraldeko gainontzeko aldeetan lurzoruak gaitasun txiki edo oso txikikoak dira, baina gune batzuetan gaitasun ertainekoak ere badaude; horietan, lehentasunezko erabilera nekazaritza izan beharko litzateke. Horrelako guneak dira Uretako ezkerreko hegala, Mallamendi, hilerriaren iparraldea eta Abeletxeko aldea.

Gora

Ezagutu Ermua menu