Klima

Itzuli

Ermuko lurraldea Europa erdialdeko azpi-eskualde fitoklimatiko Atlantikoan dago. Horren ezaugarria klima heze eta epela da; ez dago denboraldi idorrik, eta urtaro hotza laburra da. Aldagai makroklimatikoen batezbesteko balioak honako hauek dira:

Aldagai makroklimatikoen batezbesteko balioak
Aldagai klimatikoa	Batez besteko balioa
Aldagai makroklimatikoen batez besteko balioak	12 eta 14° C
Hilabeterik hotzeneko batez besteko tenperatura	6 eta 10° C
Hilabeterik beroeneko batez besteko tenperatura	18 eta 20° C
Izozte-aldiaren batez besteko iraupena	4 eta 6 hilabete bitartean
Urteko batez besteko ETP	650 eta 750 mm. bitartean
Urteko batez besteko prezipitazioa	1.200-1.600 mm.
Urteko batez besteko defizita	0 eta 50 mm.
Aldi lehorraren batez besteko iraupena	0 eta 1 hilabete bitartean
Neguko prezipitazioa	%32
Udaberriko prezipitazioa	%22
Udazkeneko prezipitazioa	%30

Ermuko lurraldeen ezaugarri klimatikoak ezartzeko Eibarko estazioaren datuak erabiltzen dira, hori baita hurbilena. Estazio hori 121 m-ko altueran dago, eta bertatik hartutako datuak ondoko taulan agertzen dira:

Datuak
Datuak	Balioa
Urteko batezbesteko tenperatura	13,5° C
Urteko hilabeterik hotzeneko tenperaturarik beroenen batezbestekoa	11,2° C
Hilabeteko tenperaturarik hotzenen batezbestekoa	2,1° C
Izozterik gabeko egunak	219
Termizitate indizea	276
Urteko batezbesteko prezipitazioa	1.429 mm.
Udako batezbesteko prezipitazioa (ekaina, uztaila eta abuztua)	180 mm.
Udako mediterraneotasun indizea (uztaila, abuztua eta iraila)	1,8

Alderdi biogeografikoan, Ermua Eurosiberiar eskualde klimatikoan dago, estai bioklimatiko eukolinoan. Eremu termoklimatiko horren ezaugarriak dira onbroklima hiperhezea, mediterranear eraginik eza eta neguko tenperatura-erregimen epel-freskoa.

Gora

Prezipitazioa

Prezipitazio gehieneko aldia urria eta apirila bitartekoa da. Prezipitazio gehiena abenduan izaten da, eta gutxiena martxoan. Zazpi hilabete horietan biltzen da urteko prezipitazio osoaren %87tik gora, eta hilabeteko prezipitazioa 100 mm-tik gorakoa izaten da.

Urteko prezipitazio gutxieneko aldia udaberri eta udako hilabeteak izaten dira. Aldi hori bat dator tenperatura beroenekin, baina ez dago benetako lehorte-aldirik.

Tenperatura

Tenperatura-erregimenak ez du muturreko gorabeherarik: neguak freskoak dira, ez oso gogorrak, eta udak epelak eta bero handiegirik gabeak. Urteko gorabehera termikoa 22,9°C-koa da. Horrek erakusten du ezaugarriak ez direla kontinentalak, eta itsasoaren eragina handi samarra dela.

Gora

Ezagutu Ermua menu