Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2018/02/02

Ermuko ikasleek Eskolako Agenda 21 programa zehazteko bilera egin dute

Dozena bat ikasle ermuarrek, irakaslek eta teknikarik bilera egin dute pasatu den urtarrilaren 25ean beste urte batez Eskolako Agenda 21 programaren inguruan mintzatzeko. 2017/2018 ikasturtean zehar landu ahal izateko erabaki den gaia ura eta Deba ibaia izan da.

Lobiano Kulturgunean izandako bileran Lehen eta Bigarren Hezkuntzako ikasleek, San Lorenzo, San Pelaio, Ongarai, Anaitasuna eta Eskolabarri ikastetxeetako irakasleek, Ermuko Udaleko teknikariek, Gipuzkoako Ur Kontsortzioko bi teknikarik eta ingurumen hezitzaile batek eta Debegesako teknikari batek parte hartu dute. Azken horrek Debabarrena eskualdeko Eskolako Agenda 21 programa koordinatzen du 2002. urtetik.

Ikasleek gaia lantzerako orduan sortutako galderak egiteko eta zalantzak argitzeko aukera izan dute bileran, baita Udalak ikasturteko gaiaren inguruan aurrera eraman dituen estrategia eta jarduerak ezagutzeko ere. Bileran landutakoa lagungarri izango zaie ikasleei ekaineko Udalbatzarrean (Udalbatzar Txikian) aurkeztuko duten dokumentua prestatzeko, egindako lanaren emaitza eta ikasleen ekarpenak jasotzen dituena.

Eskolako Agenda 21 Debabarrenan

Debegesa Debabarreneko Garapen Agentziak, Ingurugelak eta eskualdeko Udalek 16 urte daramatzate Eskolako Agenda 21 programa koordinatzen eta bultzatzen. Eskola-komunitateari zuzendutako garapen jasangarrirako heziketa egitasmoa da, eta hiru helburu ditu:

Guztira, 27 ikastetxe eta 8.000 ikasle baino gehiagok parte hartzen dute Debabarreneko Eskolako Agenda 21 programan. Horren baitan, hezkuntza komunitate osoari (ikasle, irakasle eta familiei) zuzendutako ekintzak antolatzen dira.

Argazki-sorta bistaratzea



Gora



© Ermuko Udala, 2019 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo