Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2007/06/28

Eitza auzoak San Pedro jaiak ospatzen hasiko

Eitza (Zaldibar) auzoak San Pedro jaiak ospatzen hasiko da gaur. Arratsaldean hasiera emango zaio jai-batzordeak antolatu duen egitarauari. Gaur gauean jubilatuentzako afaria eta briska txapelketak izango dira. Nolanahi ere, programako ekitaldi gehienak ostiraletik igandera bitartean ospatuko dira. Hortaz, asteburuan bete-betean sarturik, bihar pintura lehiaketa eta txokolate-jana egingo da umeentzat. Arratsaldean, santuaren omenez meza emango da eta hildakoak gogoratuko. Gauean, herri afaria eta trikitilariek girotutako erromeria egingo dute.

80. hamarkadako argazkia. Eitzako jaiak; irudian Felipe Eguia asto-proba baten parte hartzen 80. hamarkadako argazkia. Eitzako jaiak; irudian Jose Ignacio Ormaetxea, Sabino Eguia, José Maria Zubiarrementeria lanean harriarekin, Diego Arriaga epailearen aurrean.

Larunbat eta igandean askoz ere gauza gehiago egingo dituzte eta, tradizioari eutsiz guzti horien artean, leku berezi eta garrantzitsua izango dute euskal herri kirolak, betiko legez. Dauden kirolen artetik asto-probak aukeratu eta programatu dituzte, bai larunbaterako bai eta iganderako. Bi saio izango dira eta horietan iragarrita dago Eibar, Mallabia, Etxabarri, Musika eta Bermeoko ordezkarien part hartzea. Jai programan jasotako guztiaren berri edukitzeko, ikus informazio gehiago deritzan atala beheko aldean.

Lotura

Informazio gehiago


Gora



© Ermuko Udala, 2018 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo