Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2007/06/19

Gomendaturiko liburuak biltzen dituen irakurketa gida

Udal liburutegiak urtero argitaratzen duen irakurketa gida berria jada kalean da, uda gain gainean baitaukagu. Gidak hogeita hamar proposamen biltzen ditu, irakurleen adinaren arabera banaturik, heldu eta gazteentzat. Aurtengo gidak postal itxura du, irakurleek irakurritako aleei buruz beren iritzia idatz eta liburutegira bidaltzerik izan dezaten. Postala eta irakurritakoaren inguruko iruzkinak bidaltzen dituzten guztien artean material eta liburu zozketa egingo da udaren amaieran.

Gidak euskaraz nahiz gaztelerazko aleak gomendatzen ditu adin tarte guztietako, gizonezko nahiz emakumezko autoreek idatzitakoak modu orekatuan. Gomendatutako liburuetatik, hainbat tituluk laburpen txiki bat ere badaramate, irakurleari sakonkiago aholkatzeko asmoz. Gida honen helburu nagusia irakurlea orientatzea da, udan irakurketarekin gozatzeko aprobetxatzen duten irakurleei aukeratzen laguntzea eta, azken batean, irakur zaletasuna sustatzea.

Gidan bildutakoen artean aipatzekoan dira ondoko hauek adin tarteka: 6 urtetik aurrerakoentzat “Tomaxitaren etxe koxkorra” (Phillis Root eta Delphine durand), eta 8 urtetik aurrerakoentzat “El tesoro de Quico” (Carmen Gil eta emilio Urberuaga). 10 urtekoentzat “Ez esan inori” (Ana G. Lartiegi), eta 12koentzat “27 historias para tomar la sopa” (Ursula Wölfel eta Bernasconi). Nerabeen atalean 12 urtekoentzat “El verano del os abalones” (John Down) eta “Txabola terapeutikoa (Pako Aristi), 14 urtekoentzat “La estrella de siete puntas” (Xosé A. Neira) eta “Zeruko ateetan deika” (Jordi Sierra y Fabra). Azkenik, helduen atalean beste bi proposamen: ‘El corazón helado” (Almudena Grandes) eta ?Sua falta zaigu’ (Katixa Agirre).

Gidaren 2500 ale argitaratu dira koloretan, herriko ikastetxeetan, Emakumearen topalekuan, kultura alorrean, liburutegian eta herrian zehar bertan banatuko direnak. Aipatu liburuak liburutegiko leku berezi eta eskura dagoen batean jarrita daude. Ale horiek maileguan hartu nahi dutenek, erreserbatu egin ditzakete internet bidez, ondorengo helbidean: www.euskadi.net/katalogobateratua.

Lotura

Informazio gehiago


Gora



© Ermuko Udala, 2018 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo