Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2007/05/23

-Esadazu euskaraz-, familientzako kanpaina berria

Familientzako ‘Esadazu euskaraz’ kanpaina bultzatuko du euskara zinegotzigoak guraso izan berri direnen artean, jaiotzatik bertatik euskararen alde egitearen garrantzia azpimarratzeko. Sentsibilizazio kanpaina horren leloa, esan bezala, ‘Esadazu euskaraz’ da eta Bizkaiko udal zerbitzuetako teknikarien elkarteak, Alkarbidek, bultzatu du. Ekimenak EUDELen, Bizkaiko Foru Aldundiaren eta Eusko Jaurlaritzaren babesa ere badu. Kanpaina honen bidez hemendik aurrera udal euskara zerbitzuak Ermuko Erroldan seme-alaba bat inskribatzen duenari opari bat egingo dio. Opari xume hori jaioberrientzako adur-zapia eta otar-poltsatxo erabat praktikoak dira eta, horiekin batera doa, zinegotziaren eskutitza, hainbat gomendio jasotzen dituen hiru orrikoa eta udal liburutegiak gomendatutako liburu eta materialen gida bat.

Eskutitzean esaten denez “euskara Euskal Herriko hizkuntza izanda ere, galtzen joan da urteetan. Oraintsu arte babes ofizialik izan ez duenez, batik bat, familia barruko transmisioari esker iraun du. Belaunaldiz belaunaldi eta ahoz ahoko transmisio horrek gaur egun ere garrantzia itzela dauka. Izan ere, familia bidezko transmisioa dugu, zalantza barik, hizkuntza jasotzeko modu natural, aberats eta eraginkorrena. Egia da euskararen transmisioa familiaren esparrua gainditu eta gizartearen beste arlo batzuetara (eskola, telebista, aisialdia, …) zabaldu dela eta, beraz haurra ez da bakarrik etxean hezten. Baina horiek ez diote garrantzi apurrik kentzen, inolaz ere, familia bidezko transmisioari. Hizkuntza familian ikasi duten haurrak izan ohi dira euskaraz ondoen jakin eta arrunten erabiltzen duten helduak.

Horregatik guztiarengatik, eskutitzean seme-alabak euskalduntzeko prozesuan onuragarri izango diren hainbat aholku ematen dira. Proposatzen direnen artean, euskararekiko jarrera proaktiboa edukitzea, ikasi eta hobetzen saiatzea edo haurrak euskarazko lerro eta ikastetxeetan matrikulatzea. Erabaki horiek onuragarriak izango direla azpimarratzen da; ‘etorkizunean umeak eskertuko digutena, gaurko erabakia biharko aukera da eta”. Kanpainaren eduki zehatza aztertzeko, ikus hiru orrikoa beheko informazio gehiago atalaren bidez.

Lotura

Informazio gehiago


Gora



© Ermuko Udala, 2017 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo