Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2007/04/03

Apirileko euskararen agenda bete-betea

Euskarazko jardueren agendak proposamen ugari dakar apirilerako, Aste Santua dela eta, hainbat jai egun egon arren. Udal euskara eta kultura zerbitzuek koordinatzen duten ekimenak apirilerako proposatzen digute Ermua Hiria XIII. literatur sarian, imigranteentzako harrera edo dantza ikastaroetan, zinea, ipuin kontalariak edo antzerki saioetan parte hartzea. Ekintza Euskara Biziberritzeko Plan Nagusiaren (EBPNren) barne txertatzen da. Agenda hau argitaratzeko ideiarekin bat egin dute hainbat gizarte eragile. Oraingo alean parte hartzen dute herriko udal eta Kaltxango euskaltegiek, ikastetxeak, Euskal Birusa, udal liburutegia, emakumearen Topagunea, Berbalagun taldeak, Alkarbide eta Foru Aldundia bera daude.

Azpimarragarria den ekitaldietako bat, euskaltegien ‘Berbetan’ egitasmoaren barne dagoen ekimena da. Ana Urrutia eta Xabier Paya bikotea Ermuan izango ditugu apirilaren 19an –osteguna –, hizkuntzarekiko beren esperientziaren berri entzuteko. Ekitaldiari jarri zaion titulua ¿No entiendes a tu hij@? Da. EITBen eguraldiaren berri ematen digun aurkezleak seme-alaba elebidunen esperientzia kontatuko du eta, aldiz, Xabi Payak, euskararik ez dakiten gurasoen semearena. Antolatzaileek haurtzaindegi zerbitzua jarri dute, solasaldira joan ahal izateko seme-alabak atendituta laga behar dituzten gurasoentzat.

Udal euskara zerbitzuak kanpaina bi gauzatuko ditu apirila honetan. Lehenengoan, interneten ageri diren euskarazko produktuen katalogoa gurera ekarri eta banatuko du interesatuen artean. Ekimen honetan ‘Alkarbide’ elkartearekin jardungo du lankidetzan. Bigarrenean, umeak zaintzeko edo eskola partikularrak emateko presta dauden begirale euskaldunen zerrenda osatuko du. Kasu bietan, euskara zerbitzura jo beharko dute interesdunek. Azkenik, aipamen berezia merezi du baita ere, ‘Berbalagunen’ bigarren proposamenak. Herria bera ezagutzeko herrian barrena, bere kaleetatik ibiltzea baino hoberik ez baitago. Berbalagunekoek kalerik kalei biliz, gure herriko txokorik ederrenen historien berri jasoko dute, apirilaren 21eko larunbatean, goizeko 11etan eta Patxi plazatik hasita.

Lotura

Informazio gehiago


Gora



© Ermuko Udala, 2018 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo