Ermuako Udala

Laguntza Menua

 

Argazkien Menua

Menu Nagusia

Berriaren xehetasuna


Itzuli

2008/02/14

Euskara Sailak Lehen Piropo Lehiaketa antolatu du

Ermuko Euskara Sailak Lehen Piropo Lehiaketa antolatu du. Honen helburua ermuar guztion artean euskararen erabilera, modu sortzaile, adierazkor, ez-sexista eta ludiko batean bultzatzea da.

Ekimen berri honetan parte hartu nahi duenak euskaraz idatzitako piropoak aurkeztu besterik ez du egin behar. Horretarako, liburutegian, Udal euskaltegian, Kaltxango AEK euskaltegian, DBH-ko ikastetxeetan eta Ermua-BHI ikastetxean kutxatxoak jartzeko asmoa dago. Parte hartzaileek papertxo batean euskarazko piropoa idatzi behar dute. Horrekin batera, adina eta berarekin harremanetan jartzeko telefonoa ere adierazi behar ditu. Guztia paperean idatzi eta gero, papera kutxatxoan sartu beharko du. Lehiaketa honetan parte hartzeko beste bidea piropoa euskara@udalermua.net posta elektronikora bidaltzea da.

Sariak; bi kategoria izango dira.

Piropoak martxoaren 11ra arte aurkez daitezke. Ondoren epaimahaiak piropoak aztertu eta erabakia hartuko du. Horretarako kontuan hartuko du, besteak beste: originaltasuna, sormena, itzulpena edo moldaketa ez izatea eta iraingarria edo sexista ez izatea. Euskara Sailetik ermuar guztiak lehiaketan parte hartzera animatu nahi ditugu. Argibide gehiagorako, ikus deialdiaren oinarriak eta horretarako joan eta saka beheko informazio gehiago izeneko loturaren gainean.

Lotura

Informazio gehiago


Gora



© Ermuko Udala, 2018 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo