Udal Euskaltegia

Informazio orokorra

Ermuko Udal Euskaltegia 1981ean sortu zen; hortaz, lehenengo udal euskaltegietako bat izan zen. Handik gutxira, behin HABEko Euskaltegien Erregistroa sortuta, Ermuko euskaltegiak erregistro horretan eman zuen izena. Garai hartan, eta gaur egun ere, honako hau da ikastegiaren helburua: Ermuko herritar helduei euskara ikasteko edo dakitena hobetzeko aukera eskaintzea.

Euskaltegiaren eskaintza

Euskaltegiak helduen euskalduntze prozesuko maila guztiak eskaintzen ditu, hasieratik amaierara arte.

Ikaste prozesuarekin batera, ikastegiak eskaintza berezia du ondoko probak prestatu nahi dituzten ikasleentzat:

Administrazioko hizkuntza eskakizunak (EHAA)
Irakaskuntzako hizkuntza eskakizunak (IRALE)
EGA
HABEren 1., 2. eta 3. mailak. Maila honen azterketa frogak euskaltegian bertan egiten dira.

Halaber, euskaltegiak berariazko prestakuntza ikastaroak eskaintzen dizkie gremioei eta talde bereziei, kasurako merkatari, atzerritar, guraso eta abarrei. Kasu horietan, ikasketa erritmoa eskatzaileen beharrei egokituko zaie eta, matrikula prezioa ere, doitu egin ohi da, taldeari emango zaion eskola orduen arabera

Gora

Eskolak eta irakasbideak

8-15 ikaslek osatu ohi dituzte taldeak eta irakasleak egunero zenbait ariketa proposatzen dizkie ikasleei eskolan. Ariketa edo lan horiek ikaskideen arteko komunikazioan oinarritzen dira eta horien helburua honako trebetasun hauek lantzea da: mintzamena, idazmena, entzumena eta irakurmena.

Udal Euskaltegiaren Kartela (2010)

2010/2011 ikasturtea

Bigarren matrikuladia :
Irailaren 1etik 24ra.
Ikasturtearen iraupena:
Urritik ekainera.
Ordutegiak:
- 2 orduko klaseak astelehenetik ostegunera (8 ordu astero).
- Euskalduntzea, alfabetatzea, HABEKO 1., 2. eta 3. maila, EGA, Hizkuntza eskakizunak.
Matrikularen prezioa, ordainketa mota eta bekak :
Ikasturte honetan aplikatuko den ikastorduaren prezio €uro 1,18 da, zerbitzua arautzen duen ordenantzan ezarritakoari jarraiki Zenbateko horretan benetako prezioari egiten zaion beherapena sartu da, HABEk euskaltegiari ematen dion dirulaguntza dela eta.
Beka sistema bat dago ere eta horri esker, ikasleek % 50eko beherapena izan dezakete matrikularen zenbatekoan, bigarren urtetik aurrera.
Honen inguruko zalantzarik izanez gero, gugana jo ezazue arazo barik. Hona hemen bideak: telefonoz deitu (943170925), euskaltegira etorri edo bidali mezu bat gure helbide elektronikora: euskaltegia@udalermua.net
Ikastaro trinkoa irailean: Kartela (PDF formatuan)

Gora

Helbide interesgarri batzuk

Udal euskaltegiei buruzko argibideetarako:
http://www.udaleuskaltegiak.net/
Euskaltzaindiaren web gunea, gramatika arazoak konpontzeko:
http://www2.euskaltzaindia.net/Temas/Pro/ProNor_e.htm
Euskara ikaslearen gunea, HABEren web gunean. Euskara ikasteko hainbat baliabide ditu:
http://www.habe.org/ikaslearengunea/index_e.asp
ELHUYAR hiztegia; euskara/gaztelania eta gaztelania/euskara:
http://www.elhuyar.com/hiztegia/index.htm
HARLUXET hiztegi entziklopedikoa:
http://www1.euskadi.net/harluxet/
XUXEN zuzentzaile ortografikoa. Euskal Herriko Unibertsitateak prestatu duen doaneko lan-tresna da. Internetetik behera kargatu dezakezu eta Microsoft Officen (Word, Excel eta Power Point) programa-paketean sartzen da jarraian, gainerako hizkuntzekin batera. Zuzenketa ortografikoak egiteko balio du:
http://www.sc.ehu.es/xuxen-e.htm

Gora

Menú Zure zerbitzura