Administrazioarekiko harremanetan herritarrek dituzten eskubideak

Itzuli

Espainako konstituzioa Herri Administrazioen Araubide Juridikoaren eta Administrazio Prozedura Erkidearen 30/1992 Legearen 35. artikuluaren egokitzapena, Norberaren Datuen Babeseko 15/1999 Lege Organikoaren 14, 15 eta 16. artikuluek eta urtarrilaren 13ko 4/1999 Legeak aldatu dutena.

Begirunez hartuak, informatuak eta bideratuak izatea..
Tramiteen pertsona-arduradunen nortasuna ezagutzea.
Erregistro eta artxibo administratiboetara sarbidea izatea, baldin eta hirugarrengoen eskubideei kalterik egiten ez bazaie edo herri-interesak tartean baldin ez badira.
Espedienteen baitan bildu beharreko dokumentuen kasuan, aurkeztutako jatorrizko dokumentuen kopia zigilatua eskuratzea eta dokumentuok jabeari itzuliak izatea.
Pertsona interesdunek espedienteen tramitazio-egoera ezagutzea eta dokumentuen kopiak eskuratzea.
Alegazioak egitea eta entzunaldi-tramitearen aurreko edozein unetan dokumentuak aurkeztea.
Arauek eskatzen ez duten edo gaia kudeatzen ari den administrazioaren esku dauden dokumenturik ez aurkeztea.
Jakinarazpenak jasotzeko lekua eta bidea hautatzea.
Administrazioaren beren-beregiko erantzuna izatea.
Legez bidezkoa denean, administrazioari eta bere zerbitzupean dauden langileei erantzukizunak eskatzea.
Datuen tratamendu eta xedeari buruz Datu Babeserako Erregistro Orokorra kontsultatzea eta fitxategiaren pertsona arduradunaren nortasuna ezagutzea.
Legeak aurreikusitakoaren arabera, datuak zuzendu, ezeztatu edo horien erabilera ukatzea.
Konstituzioak eta legeek aitortzen dituzten bestelako eskubideak.

Eskubide hauek ez direla errespetatzen pentsatzen baduzu, erreklamazioa aurkez dezakezu Ermua Hiriko Udalak bulego guztietan eta webgunean (www.ermua.es>herritarren partaidetza>kexu eta iradokizunak) kexu eta iradokizunetarako zure esku jarri duen prozeduraren bitartez.

Gora

Menú Zure zerbitzura