Ermuako Udala

Laguntza Menua

 

Argazkien Menua

Menu Nagusia

Udalak parte hartzen duen beste erakunde batzuk


Itzuli

Izarra Fundazioa
Izarra Fundazioa
Izarra Fundazioaren logoa

Izarra Fundazioa Ermuko Udalak lurralde-balioa sortzeko asmoz sortutako irabazi-asmorik gabeko erakundea da. EAEko fundazioen erregistroan F-345 zenbakia du, eta helburua berriz, hauxe da: zuzenean edo zeharka Ermuko lurralde-esparruan eta inguruan sistema produktiboa eta enplegua bultzatzen lagunduko duten jarduera ekonomiko eta sozialak garatu eta sustatzea, betiere lurralde-garapenerako eredu iraunkorrean eta bizi-kalitate estandar altuetan oinarrituta.

Izarra Fundazioa gure udalerriko baliabide endogenoak ahalik eta gehien ustiatzera eta kanpoko jarduera ekonomia erakartzera bideratutako toki-garapeneko udal politikaren tresnetako bat da, bide horretatik Ermuaren bideragarritasun sozioekonomikoa bermatzen lagunduko duelakoan. Honako hauek dira Izarra Fundazioaren berariazko helburuak:

  • Lurralde-lehiakortasunean laguntzea eta bultzatzea eta, horretarako, ikerketari, garapenari, berrikuntzari, sorkuntzari, ekintzailetza-kulturari eta pertsonen gaitasun eta trebeziei lotutako ekintzak abian jartzea.
  • Enpresa-dibertsifikazioa sustatzeko jarduerak garatzea eta, horretarako, enpresekin, prestakuntza-erakundeekin eta teknologia-zentroekin lankidetzan proiektuak garatu eta gauzatzea.
  • Pertsonen kualifikazioa hobetzeko, maila guztietako prestakuntza eta lanbide-orientazioa bultzatzea eta, horretarako, konpetentzia profesionalak eta trebeziak sustatzea.
  • Eskualdean enpresa berriak sortzeko aukerak hobetzea eta, horretarako, negozio-asmoak arlo berritzaileetan eta dibertsifikatzaileetan garatzen dituzten ekintzaileen aldeko apustua egitea.
  • Lankidetzan oinarrituko den tokiko enpresa-garapenaren eredua bultzatzea, inbertsioan, enpleguan eta balio-sorkuntzan, gaur egungo enpresen ekarpena hobetu ahal izateko.
  • Ermutik pertsona eta enpresa lehiakorrak joatea saihestea, eta goraka datozen sektoreei lotutako balio ekonomiko eta soziala erakartzea.
    Aurretiaz aipaturiko interes orokorreko fundazio-asmoak lortzen lagunduko duen beste edozein ekintza eta ekimen.

Izarra Fundazioa patronatu batek zuzentzen du: Ermuko Udalak izendatutako hiru ordezkari eta Ermuko enpresak ordezkatzen dituzten sei pertsonak osatzen dute patronatu hori. Ermuko Alkatea da patronatuko lehendakaria.

Udalaren ekarpena Izarra Fundazioa(a)ri

Informazio gehiago

Gora



© Ermuko Udala, 2019 - Marqués de Valdespina, 1 - 48260 Ermua - Bizkaia - Telefonoa: 943 17 90 10

Europar Batasuneko Logo