Droga-mendekotasunak prebenitzeko

Toxikoak irensteagatiko eragin psikosozial negatibo guztiei aurre egiteko bideraturiko ekintza guztiak Droga-mendekotasunak Prebenitzo III. Toki Plangintzan ezarrita daude. Plan honetako edukiak Eusko Legebiltzarren 1998ko Prebentzio legearen eta Euskal Autonomia Erkidegoko IV. Plangintzaren arabera egokitu dira; edozelan ere, plangintzaren bitartez udalerriko droga-mendekotasunen gaineko errealitatea aztertzeko asmoa dago, prebentzio politikak kontsumo modu berriei eta pertsona kontsumitzaileen topologia berriari egokituz.

Jarduketa hauek guztiek familiei laguntzeko zerbitzuarekin zerikusia dute; izan ere, zerbitzu horretako hezkuntza plangintzek prebentzioaren gaiari heltzen diete. Zerbitzu honetako lehentasunezko ildoek zuzeneko zerikusia dute prebentzioarekin, sorospenarekin, gizarteratzearekin eta toxikomania arazoak dituzten pertsonei zuzendutako laguntzarekin.

Zerbitzu honetan ere droga-mendekotasunarekin zuzeneko zerikusia ez duten hainbat ekintza gauzatzen dira, adibidez osasunean eta balioetan hezteko zine programazioa, HIESaren inguruko elkartasun kanpainak eta harreman sexualen kasuan preserbatiboaren erabilera sustatzea, batez ere gazteen artean.

Gainera, adizioren batek ukitutako pertsonei eta orientazio nahiz laguntza bilatzen duten senideei zuzeneko laguntza ematen zaie eta beste hezkuntza zentro, osasun zentro eta erakunde batzuekin elkarlana bultzatzen da, prebentzioaren alde lan egiteko.

Urtero eta minbiziaren kontrako elkartearekin lankidetzan, erretzeari uzteko taldeak eratzen dira.

Jarraian hainbat helbide interesgarri eskaintzen dira. Helbide horietan sustantziei, horien propietateei, arriskuei eta prebentzio moduei buruzko informazioa ‘online' jaso ditzakezue:

Drogomedia (Eusko jaurlaritzaren Web-gune ofiziala, bertan sustantziei buruzko argibideak, albisteak eta foroa aurkituko dituzue).
Alkoholaren eta drogozaletasunaren prebentzio eta tratamendu profesionala (Drogei aurre egiteko Gobernuaren estatuko planaren Web-gune ofiziala, bertan erakunde eta kanpainei buruzko informazioa ematen da).
Energy Control (Kataluniako droga erabiltzaileek osatutako elkarte garrantzitsu baten Web-gunea, bertan informazio zuzena eta oso interesgarria eskaintzen da substantziei, kontsumitzeko moduei, ezaugarriei eta arriskuei buruz. Foro bat ere badu eta, ona da).
Tododrogas.net (Elkarte-farmazeutiko baten Web-gunea, substantziei buruzko informazioa ematen duena).
Ailaket (Web-gune interesgarria, droga erabiltzen duten pertsonak osatutako elkartearena. Substantziei, horien propietateei, eta erabilera-gehiegikeriei buruzko informazioa ematen dute. Gainera kontsumitzen diren drogen kalitatea norainokoa den frogatzeko programa bat daukate).
Drogozaletasunari aurre egiten laguntzeko Fundazioa (“Drogei, ezetz esan” lelo famatua hedatu duen erakunde ezagunaren web-gunea).

Gora

Gizarte Ekintza menu